Padayon ang gihimong imbistigasyon sa Polomolok PNP kalabutan sa nahitabong pagpamusil patay sa usa ka biktima sa area sa Prk. 8, Barangay Sulit Polomolok buntag niadotng nakalabayng adlaw.
Giila ang biktima nga si Jan-Jan Himongala magtrayo, 22 anyos, single, empleyado sa TATEH nga nahimutang sa National Highway Polomolok ug residenti sa ALICE FARM Barangay Sulit Polomolok.
Sumala ni Police Sr. Inspector hernan gabat, deputy Chief Of Police sa Polomolok PNP nga migula sa ilang imbistigasyon nga nagpakarong-ingnon ang duha ka mga suspek nga pulos nag sul-ob ug itom nga jacket nga mupalit ug uling.
Nangutana pa ang mga suspek sa pangalan sa biktima ayha nila kini gipusil duha ka higayon nga nahimong hinungdan sa iyang kamatayon. Nasayran nga nadala pa sa ospital ang biktima apan gideklara kining dead on arrival., Samtang mga suspek paspas nga nakasibat.
Usa sa mga anggulong gitutukan sa kapulisan kalabutan sa pagpamusil mao ang personal grudge. Gibutyag ni PSI Hernan Gabat nga basi sa ilang pakighinabi sa pamilya sa biktima nasuta nga adunay nakalaban kaniadto ang nahisgutan.
Hinuon sa kasamtangan ila pang gina-validate ang report. Wala man usab nila ginabaliwala ang uban pang anggulo nga posibling hinungdan sa krimen.
Samtang ila nalang ginahuwat ang pamilya sa biktima aron sa pagbutyag sa kinatibuk-ang detalye bahin sa gikaingong kanhing nakalaban sa biktima.
Dugang pagbutyag ni PSI gabat nga dakong tabang ang impormasyong ilang makuha gikan sa pamilya alang sa kalambuan sa imbistigasyon sa kasong pagpatay kang Jan-jan Magtrayo.
Sumala niini nga sa karon giasikaso pa sa pamilya ang pagpahiluna sa patayng lawas sa biktima ug sila nag saad nga makig cooperate sa imbistigasyon sa PNP sa pamasin nga sila makatabang sa pag ila sa suspek sa krimen.
