Empleyado gipusil sa riding in tandem

50

General Santos City–Patay sa pagpamusil ang usa ka Joemar Ybañez 32 anyos, ,lumulopyo sa Purok 1,barangay Kawas , Alabel, Sarangani province human kini gipusil sa riding in tandem sa may national highway sa nasampit nga lugar.

Sumala ni Police Chief Inspector Benjie Anchita, bandang alas 5;15 sa hapon kagahapong adlawa gikan sa iyang gitrabahuan ang biktima sakay sa iyang single nga motorsiklo apan paghidangat distansya sa ilang panimalay kalit lang mitapad ang mga suspek deritso pusil sa biktima .


Nakahiagum ug samad pinusilan si Ybañez sa iyang ulo nga mao’y hinungdan sa kamatayon sa nahisgutan, samtang ang mga suspek paspas nga misibat human sa pagpamusil.

Kalabot sa maong balita, gibutyag ni Police Chief Inspector Benjie Anchita nga sa karon blangko pa sila sa motibo sa pagpusil patay sa biktima.

Sa karon ila pang gipalawman a ng ilang imbistigasyon aron nga matumbok ang motibo ug ang mga suspek sa maong krimen.

Sa karon nangalap pa ug ebidensya ug testigo ang kapulisan kansa makatabang sa imbistigasyon bahin sa insidenti. (Ray Sabillo)




Facebook Comments