Empleyado patay sa disgrasya

20

Banga, South Cotabato–Dead on arrival sa ospital ang driver sa motorsiklo sa nahitabong vehicular accident sa Brgy. Liwanay, Banga, South Cotabato, alas 7:45 sa gabie sa nakalabyang adlaw.

Giila ang biktimanga si Rexor Lagdamen Torre, 33 –anyos , single, Bio-tech employee, driver sa Kawasaki Bajaj nga motorsiklo ug residente sa Purok 1, Barangay San Vicente, Banga, South Cotabato.


Subay sa pahayag sa mga nakakita sa maong insidente, na-sideswipe matud pa sa Isuzu Forward Truck ang motorsiklo sa biktima nga hinungdan nga nawad-an kini ug control hangtod nga kini natumba sa sementadong dalan sa lugar.

Apan base sa gihimong imbestigasyon sa Banga Municipal Police Station, wala matud pay pamatuod nga lambigit sa maong insidente ang Isuzu truck nga gimanihuan ni Richard Segura Sangyon, 44-anyos nga residente sa Sitio Ong Ante, Brgy. Liwanay, Banga, maong ila kining gi-release.

Samtang laing sakyanan ang giimbestigahan sa kapulisan kansa gidudahang may kalambigitan sa sa maong disgrasya.

Nasayran nga gidala pa saSouth Cotabato Provincial Hospital ang biktima apan gideklara nga patay sa iyang attending physician.



Facebook Comments