General Santos City—padayon ang gihimong imbistigasyon sa Police Station 5 sa nahitabong pagpamusil sa usa ka empleyado sa City engineering Office kansa una nang gipusil sa wala pa mailhing suspek sulod mismo sa gipuy-an niini sa Prk. Felomina, Barangay Calumpang.
Ang biktima nailhang si Alejandro Galon, 40, minyo, residenti sa maong lugar.
Sa pasiunang imbistigasyon sa kapulisan nasuta nga alas 6:40 ang takna sa gabie, July 5, 2017 samtang naghikay ang biktima sa iyang panihapon, kalit lang nga dunay nanoktok sa iyang pultahan.
Pag abli niini kalit syang gipusil sa usa ka lalaki sa iyang nawong dayon misibat ang suspetsado.
Gilayon usab nga gidala sa iyang mga kaboardmate ang biktima sa balay tambalanan ug kasamtangan pa karon nga gipailawom sa medikasyon.
Ang kapulisan naghimo nag makuting imbistigasyon kalabutan sa insidenti. Nasayran nga ang biktima buwag sa asawa ug dugay na usab nga nagtrabaho sa City engineering Office.
