Dakpan sa gihimong joint buy bust operation sa kapolisan sa Police Station 7 Bulua nga giunhan sa ilang station commander nga si P/Captain Jason Sto. Dominggo, CAPPD pinaagi ni P/Captain Rustico Galagala Jr. uban ang personahe sa Pdea-10 ang Administrative Aide 3 sa city hall mga alas singko gahapon sa hapon sa Gaston Park, Barangay 1 ning siyudad.
Dinakpan mao si Candido Echalico, 51 anyos, minyo nga taga Zone 6, barangay Carmen.
Napalit kang Echalico ang usa ka sachet sa gitoohang shabu nga dunay timbang nga 0.100 grams nga nagbalor sa 500 pesos.
Nakuha sa posisyon ni Echalico ang usa ka unit sa cellphone, personal nga kwarta nga mokabat sa 380 pesos ug ang 500 pesos nga buy bust money.
Suspek nakakustodiya na karon sa mini cell sa Cagayan de Oro City Police Office o COCPO.
