Live-in partner gidunggab, patay

70

Davao City – Dead on arrival na sa balay tambalanan ang usa ka lalaki human kini gidunggab sa iyang live-in partner.

Biktima mao si Efraim Redolosa Ombayan, 26 anyos, residente sa Purok 24, Teachers Village, Calinan, Davao City samtang ang live-in partner niini mao si Shell Mae Bogal Banodan, 24 anyos.


Base sa report bandang alas 11:30 ang takna kagabii naabtan sa biktima ang iyang live-in partner nga nag inom kuyog ilang mga silingan.

Wala maka angay si Ombayan sa iyang nakita rason nga nakulatahan niini si Banodan apan nakahawid kini og kutsilyo ug mibalos kini pinaagi sa pagdunggab sa usa ka hiagayon igo sa dughan.

Gitabang pa ang biktima sa pinaka duol nga balay tambalanan apan gideklara kining patay ala 1:20 ang takna sa kaadlawon sa iyang attending physician.

Balhug na sa prisohan ang suspek niini nga nagdunggab sa biktima ug giandam na ang mga dokumento aron pasakahan kini og tukmang kaso.

RadyoMaN Paul Canono

Facebook Comments

From Advertisers