South Cotabato—kulatado ang usa ka empleyado sa kapitolyo sa South Cotabato human kining giayo ug kulata sa tulisang nanulis kaniya didto sa Barangay Morales Koronadal City niadtong nakalabayng adlaw.
Giila ang biktima nga si Byron Labadan, 30, residente sa Purok Proper, Barangay Cacub Koronadal City.
Subay sa gihimong pagtuki sa Koronadal Police Station nasuta nga pauli na unta ang biktima sa ilang panimalay sakay sa iyang motorsiklo dihang sumala pa dunay mipara kaniya nga duha ka lalaki ug nagpahatud sa may barangay Zone 4, pag abot sa ngitngit nga lugar, didto na kini gipahunong sa mga suspek dungan sa pag deklara ug tulis.
Gilimas sa mga suspek ang kwarta sa biktima ingon man ang iyang cellphone, gikulata pa sa mga nahisgutan ang biktima dihang nagdumili kini sa paghatag sa iyang kwarta. Sa karon nagpadayon ang gihimong imbistigasyon kalabutan sa insidenti.
