General Santos City—Patay ang usa ka Marvin Umadle, legal age, Empleyado sa usa ka dakong kumpanya nga nahimutang sa Silway, 8, Polomolok, South Cotabato ug Residenti sa Barangay San Isidro Gensan, human kining gipusil sa wala mailhing suspek.
Subay sa inisyal nga imbistigasyon sa Polomolok PNP nasuta nga natulog matud pa ang biktima sulod sa ilang quarter sa gitrabahuan niining kumpanya.
Alas 11:30 ang takna sa gabie, samtang nahinanok ang nasampit ug katulog, kalit kining gisulod sa wala mailhing suspek ug gipusil igo sa iyang nawong nga milapos matud pa sa iyang likod nga bahin.
Paspas usab nga misibat ang suspek sa krimen. Sa karon nagpadayon pa ang gihimong imbistigasyon sa kapulisan kalabutan sa maong insidenti ug ginasuta pa ang motibo niini.
