Empleyado sang DENR nga nagapautang ginhold-up, natiruhan patay

24

BAIS CITY, NEGROS ORIENTAL – Wala makaluwas ang empleyado sang Department of Environment and Natural Resources (DENR) matapos ginluthang patay sang riding in tandem sa syudad sang Bais, Abril 24.

Sa imbestigasyon sang Bais Police Station, nagakaon ang biktima sa isa ka kalan-an sang hinali nga naglabay ang duha ka naga-angkasanay sa motorsiklo nga may tabon ang mga nawung kag hinali gintiro ang biktima sang pila ka beses nga gintunaan sang iya hinali nga kamatayon.

Ginkilala ang biktima kay Rodrigo Reyes, 59 anyos sang Sitio Lighi, Barangay Mabunao sang nasambit nga lugar nga nagatrabaho bilang Forest Ranger Enforcement Unit sang DENR.

Matapos ang krimen gilayon naman nga nagpalagyo ang mga suspek, gindala pa sa malapit nga hospital ang biktima apang wala na ini mahingagaw nga matabangan.

Nakita naman sa crimescene ang tatlo ka baseyo sang 45 cal. pistol kag isa ka bala sini.

Ginkuha pa sang mga suspek ang sling bag sang biktima nga na aligar may unod sang P100,000 mil pesos.

Samtang, ginalantaw nga motibo sa pagpatay amo naman ang hold-up bangud nga naga pautang sang kwarta ang amo nga biktima.




Facebook Comments