SB member Grande kag mga BPAT members sang Moises Padilla ginapasakaan na kaso double murder sa Garcia ambush

MOISES PADILLA – Gin-inquest kaina sang hapon sa Bacolod Hall of Justice ang kaso double murder batuk sa isa ka SB Member kag iban pa sang Moises Padilla nga gina tudlo amo ang nag-ambush sa grupo ni Mayoralty Candidate Vice Mayor Ella Garcia Yulo kahapon sang udto samtang nagapatigayon sang pag-pangampanya sa Brgy. Inolingan, nga ginkamatay ni Mark Garcia kag re-electionist Councilor Michael Garcia.

Gindala sa Provincial Prosecutor’s Office, Bacolod Hall of Justice kaina sang nga hapon si incumbent Moises Padilla Sangguniang Bayan Member Agustin “Nene” Grande kag certain Joe Cesar myembro sang Barangay Peace Keeping Action Team (BPAT) sang Moises Padilla para e-inquest ang kaso batuk sa ila kag iban pa nga ginasiling miembro sang BPAT.

Sila ang positibo nga gintudlo suspek sa likod sang pag ambush sa grupo ni bise-alkalde Ella Garcia Yulo nga ginkamatay sang hinablos kag utod sini.


Ang duha ang positibo nakit-an sa ambush site nga gin-identify mismo sang asawa ni Mark Garcia kag iban pa gid nga mga witnesses.

Samtang, sa press conference sang PNP, Philippine Army kag Comelec, ginpaidalum na sa Comelec control ang banwa sang Moises Padilla.

Facebook Comments