President Roxas, Capiz – Patay ang isa ka empleyado sang munisipyo sang President Roxas matapos mabunggoan kag ginsaog sang isa ka RORO bus ang ginamaneho sini nga motorsiklo sa Barangay Vizcaya, President Roxas, Capiz. Ginkilala ang biktima kay Winley VillariƱa alyas “Oca’, 59- anyos sang Pantalan, Vizcaya, President Roxas. Ini ang nag-angkon sang patal nga kapilasan sa ulo kag kalawasan nga nangin kabangdanan sang kamatayon sini sang gindangat sa ospital.
Nagbunggo pa sa puno sang niyog ang Roro bus liner nga may biyahe nga Carles-Estancia, Iloilo – Alabang vice versa. Samtang maswerte naman nga wala sang may seryoso nga napilasan sa mga pasahero sang nasambitan nga bus. Nagapadayon pa ang imbestigasyon sang mga kapulisan sa nasambitan nga insidente samtang yara na sa kustodiya sang President Roxas PNP ang driver sang bus nga ginkilala kay Bonifacio Guarana, 55- anyos sang San Carlos City, Negros Occidental.
photo(c)- Active Lutod-lutod Emergency Response Team- ALERT
Attachments area
