Empleyado sang provincial government sang South Cotabato nga indi mag-ugyon sa direksyon sang gobernador ginaparesign ukon paretiro.

Magresign ukon magretiro, ini ang rekomendasyon ni South Cotabato Governor Reynaldo Tamayo Jr. sa mga empleyado sang provincial government kon indi suno pa mag-ugyon sa iya mangin direksyon ukon sistema sang iya panggoginobyerno nga ipatuman.

Suno sa gobernador indi dapat himuon nga rason sang mga empleyado nga wala pa nakamove-on sang nag-agi nga eleksyon kundi tion na nga magkooperar sa sistema niya.

Dugang pa ni Governor Tamayo nga istrikto ang iya nga pagdumalahan, apang iya ginasiguro nga yara siya sa tama nga lugar.