ANTIQUE – Duha ang pilason sa katapo sang Sibalom PNP matapos ginpa-arakan sang luthang sang ginapatihan New Peoples Army (NPA).
Ini ang ginkilala kanday PO3 Gabby Orantes kag PO3 Salvador Cordero.
Pilas sa kamoy ang na-agom ni Cordero samtang pilas naman sa tiyan ang na-agum ni Orantes kag gindala ini sa ASMGH para sa nagakaigo nga pagbulong.
Suno sa Police Regional Office 6, takna alas 9:10 kaina sang aga sang naghiwat sang Prophylactic patrol ukon nagapatrolya ang Sibalom Municipal Police Station sa pagpanguna ni SPO4 Ricky Encina upod ang 12 ka mga PNCO’s.
Nahibaluan nga antes ang engkwentro sa katapo sang PNP, may nabaton man nga tawag si Barangay Kagawad Salcedo sang Barangay Calooy, Sibalom angot sa ginapahayag pagpangharas sang rebelde nga grupo sa Bululacao detachment.
Nagrespondi kuntani ang katapo sang Sibalom PNP sakay sa duha ka mga salakyan sa Bululacao angot sa gina-alegar pagpangharas apang ginpa-arakan sila samtang nagapadulong sa lugar kag ginpalukpan gamit ang isa ka Impovised Explosive Device (IED).
Nagapadayon naman ang hot pursuit sang kapulisan sa mga rebelde.
(This is a developing story.)
