Davao City – Arestado ang usa ka Mark Lester Bringas sa National Bureau of Investigation TAGDO XI uban ang Department of Environment and Natural Resources XI kinsa giingong namaligya’g mga endangered nga mga buwaya atol sa entrapment operation sa parking lot sa may Bajada ning syudad.
Sa pakighinabi sa RMN Davao sa NBI TAGDO XI nga musumada sa P95,000 ang baligya sa suspek ngadto sa asset sa NBI sa maong saltwater ug freshwater crocodiles.
Na-rescue nila ang lima ka mga gagmayng buwaya nga gibaligya og P15,000 kada usa ug upat ka mga itlog nga tag-P5,000 sa suspek.
Matud sa mga operatiba gibyahe pa kini gikan og Kapalong, Davao del Norte.
Kasong paglapas sa Wildlife Resources Conservation and Protection Act ang atubangon karon sa suspetsado kinsa matud pa sa NBI usa kini ka nurse sa usa ka ospital sa Carmen, Davao del Norte.
Gi-turn over sa mga operatiba ang maong mga buwaya sa Davao Crocodile Park.
RadyoMaN Aimee Guinita
