TACLOBAN CITY – Samaran an usa ha mga participants han endurance race event matapos ma-aksidente ha Brgy. Balagawan, Silago, Southern Leyte yana nga adlaw, September 22.
Subay ha report han Police Regional Office 8, ginkilala an biktima nga hi John Harvy Tan, 23 anyos, taga Brgy. San Miguel, Linao, Talisay City, Cebu.
Nagawas ha inisyal nga imbistigasyon han mga otoridad, umapi an biktima ha Experience The Beauty Of Leyte Loop 2019, usa nga endurance race event kun diin nagpapa-unahay an mga participants ha finish line.
Nawarayan kontrol hi Tan ha steering handle han iya motor ha naliko nga parte han kalsada rason han iya pagkasimplang.
Gindara naman na ha hospital hi Tan.
Facebook Comments
