ILOILO City – Imbitaron ni Mayor Jose Espinosa III si Energy Secretary Alfonso Cusi sa syudad sang Iloilo.
Ini agud personal nga magpaathag sa mga Ilonggo kun paano himuon ang transisyon sang distribution sang kuryente sa syudad sang Iloilo gikan sa Panay Electric Company (PECO) pakadto sa MORE Power Corporation.
Suno sa alkalde luyag niya nga mapabatyag ang kasiguraduhan sa mga negosyante agud madula ang ila kabalaka sa ginasiling nga power crisis kun maaprubahan ang franchise sang MORE samtang maga-expire naman ang franchise sang PECO.
Ginpahayag sang alkalde nga importante nga makakuha sang assurance ang publiko gikan sa mga opisyal sang ahensya sang gobyerno agud madula ang ila kabalaka.
Nahibaluan nga nagtukod man sang Crisis Management Committee si mayor Espinosa agud tun-an kag handaan ang epekto sang power transisyon sa syudad.
Photo from web
