Davao City – Gilaumang himuon sa Enero 2021 ang groundbreaking sa Davao-Samal Bridge o ang Samal Island-Davao City Connector (SIDC) Project.
Sa interbyu kang Island Garden City of Samal (IGaCoS) Mayor Al David Uy sa city-owned radio, gibutyag niini nga madayon ang konstruksyon sa maong proyekto luyo sa coronavirus disease 2019 (COVID-19) pandemic subay sa kompirmasyon sa Department of Public Works and Highways (DPWH) pinaagi ni Secretary Mark Villar.
“Hopefully, i-ampo nato as per kadtong gi-announce ni (DPWH) Secretary Mark Villar, ground breaking (sa Davao-Samal Bridge) will be on January 2021,” butyag ni Uy.
Matud ni Uy, pulongon usab nila ang mga land owners sa Samal nga maapektohan sa maong dakong proyekto.
Gihatagan karon ang DPWH og hangtud sa Septembre 20, 2020 alang sa data gathering ug sa Oktubre hangtud Nobyembre magsugod ang bidding sa maong dakong tulay.
RadyoMaN Kirby Manzon
