Davao City- Nagbangotan karon ang mga tagtungod sa usa ka lalaking computer engineer human nabanggaan sa naghaguros nga passenger van sa Panabo City kagahapon sa buntag.
Ang biktima giila nga si Ramis Barsabac, 42 anyos, minyo nga taga-JP Laurel, Panabo City.
Sumala sa imbestigasyon sa kapolisan sa Panabo, alas 7:00 ang takna kagahapon sa buntag samtang nagsakay ang biktima sa iyang motorsiklo sa Barangay JP Laurel kalit na lamang kini nabanggaan sa naghaguros nga de pasaheroan nga van nga gikan pa sa Bislig padulong sa Davao. Tungod sa kakusog sa pagkabangga nakaangkon og daghang mga bun-og ug bali sa kalawasan si Barsabac nga miresulta sa iyang kamatayon.
Human sa insidente, nadakpan ang driver sa van ug kasamtangan karong gibilanggo sa kapolisan sa Panabo ug gitakdang pasakaan og kaso.
Kasamang Bernard Pantallon
