Patay ang isa ka engkargado matapos nga ini ang gintiro sang wala makilala nga suspek sa Brgy. Daga, ciudad sang Cadiz las 9:30 kaina sang aga.
Nakilala ang biktima nga si Loreto Europa Jr., 44 anyos, kasado kag residente sang Had. Israel, Brgy. Daga, Cadiz City, isa ka engkargado sa hacienda.
Suno sa pagpangusisa sang Cadiz City PNP, base sa pahayag sang asawa sang biktima nga nagasakay sa motorsiklo ang iya bana kag buot na kuntani nga magpauli sa ila balay halin sa paglibot sa hacienda nga kabahin sang iya trabaho sang ini ang gintiro.
Matapos ang insidente, gilayon nga nagpatigayon sang hot pursuit operation ang Cadiz PNP sa idalum sang pagpamuno ni PLt.Col Robert Mansueto para gilayon madakpan ang suspek.
Narecover sa scene of the crime ang apat ka empty shell sang wala pa matumod nga kalibre sang armas.
Nahibaluan nga ang biktima ang gintiro man gali sadtong September 22, 2017 kon diin nag-angkon man ini sang kapilasan kag na-ospital.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
