Nadakpan na sang kapulisan ang ginatudlo suspek sa paghimulos kag nagpatay sa isa ka 10 anyos nga babaye sa kampo sang tubo sa Hacienda Lizares, Purok Delton, Barangay San Miguel, banwa sang Murcia, Negros Occidental sadtong Oktubre 31, 2019.
Mismo si Murcia Mayor Gerry Rojas ang nagpresentar sang suspek nga si Edgie Gonzaga, 22 anyos sa mga katapo sang media sini nga hapon.
Si Edgie ang nadakpan man sang nagligad nga semana (Mayo 26, 2020) kag nakuhaan sang shabu sa isa ka buybust operation pasado las 8 sang gab-i sa Prk. Silhigan, Barangay San Miguel banwa sang Murcia.
Suno sa medical report, nakit-an sa kinatawo sang biktima ang “sperm function” nga ginapanag-iyahan sang suspek sa naggwa nga DNA Test.
Ginpahayag pa sang Alkalde nga apisar nga naglawig sang pito ka bulan ang proseso sang kaso, nakatipon man ini sang mabakod nga ebidensya nga nagatum-ok sa suspetsado.
Samtang, sa interview sang DYHB gin-panginwala naman sang amay sang suspek ang krimen nga ginpasibangud sa iya nga bata.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
