ENGKUWENTRO MITUMAW TALI SA MILITAR UG TAGTUOHANG NPA SA ALEGRIA, SURIGAO DEL NORTE, ISA AN NASAMDAN SA MILITAR
Milungtad nan isa ka oras an sinukliay nan buto sa bala tali sa gingsakupan sa 30th Infantry Batallion Phil. Army ug tagtuohang New People’s Army didto sa Brgy. Budlingin, Alegria, Surigao del Norte kahapon.
Sa nakuha na impormasyon nan RMN, an Charlie Company sa pagpanguna ni Ssgt. Lauriano Mandamyan an nopahigayon nan combat operation sa bukid na bahin sa Barangay Budlingin,Alegria sa dihang tagpabuthan sila nan bana-bana 20 ka sakop sa NPA. Human sa isa ka oras, miatras ra an mga rebeldeng grupo, miresulta ini na may isa an nasamdan sa habig sa militar. Ini tagkilaya na si PVT. Harleyquim Benya samtang tagpakisayran pa kon may naigo o namatay isab sa habig sa NPA.
