Gintawag nga fake news sang Coronacion “waling-waling” Chiva Command sang New Peoples army ang nagluntad nga engkuwentro sang Domingo sang aga sa tunga sang Militar kag NPA sa barangay Mulangan, Igbaras, Iloilo.
Sa ginpaguwa nga statement sang Coronacion “waling-waling” Chiva command, ginpahayag sang ila spokesman nga si Julio Montana nga binutig ang ginpaguwa ni Col. Sesinando Magbalot, Commanding Officer sang 61st IB nga may engkuwentro nga natabu sa nasmabit nga lugar.
Suno kay Montana nga imposible nga maka-engkuwentro sang Militar ang NPA sa barangay Mulangan, Igbaras bangud wala sang puwersa sang NPA sa nasambit nga barangay.
Ginpahayag ni Montana nga gin-imbento lamang ni Magbalot ang amo nga senaryo agud hatagan lamangh sang rason ang ilegal nga pagdakop sa tatlo ka sibilyan nga nakuhaan sang 9 ka improvised explosive device.
Bangud sini, ginganyat ni Montana ang himata sang mga ginpangdakop nga magdangupn sa Commission on Human Rights agud mabuligan sila sa ila kinamatarung.
