Davao City – Miabot sa unom ka minuto ang binayloay og bala sa tropa sa gobyerno ug rebeldeng grupo atol sa pasko ug pipila ka oras ayha ang anibersaryo sa Communist Party of the Philippines (CPP).
Sa report sa Sta. Cruz PNP, nagkaengkwentro ang tropa sa 39th Infantry Battalion Philippine Army ug mga sakop sa New People’s Army kun NPA ilawom sa 51 SMRC sa Sitio upper, Dariango, Brgy. Astorga, Sta.Cruz, Davao del Sur alas 9:40 kagabii, December 25, 2018.
Human sa unom ka minuto, daling misibat ang pikas pundok hinuon walay natalang casualty sa gobyerno nga bahin apan wala pa masuta og anaa bay napagan sa rebeldeng grupo.
Subay niini, hugot ang pagbantay sa kasundaluhan ingon man sa kapulisan sa tibuok rehiyon XI gumikan nagtoo sila nga dili layo ang posibilidad nga muhimo og kasamok ang grupo sa CPP atol sa ilang ika-50th nga anibersaryo karong adlawa, December 26, 2018.
RadyoMaN Renz Barbarona
