ILOILO – Nangin malinong kag matawhay sa pangkabilugan ang selebrasyon sang paskwa sa probinsya sang Iloilo.
Base ini sa assessment sang Iloilo Police Provincial Office ukon IPPO.
Suno kay IPPO director PSSUPT. Marlon Tayaba, halin sang simbang gabi, sa nagkalain-lain nga selebrasyon sa probinsya kag sa mga christmas eve masses walang sang narecord nga insidente ang kapulisan nga nakatublag sa selebrasyon sang paskwa.
Bangud sini, ginapasalamatan ni Tayaba ang kapulisan sang IPPO nga nagsakripisyo nga mapalayo sa ila mga pamilya mabantayan lang ang publiko subong nga paskwa.
Ginapasalamatan man sang opisyal ang publiko sa ila kooperasyon sa tanan nga security measures sang kapulisan kag ini ang rason para mangin masadya ang paskwa sa probinsya sang Iloilo.
Sa pagsug-alaw naman sa bag-ong tuig, ginpasiguro ni Tayaba nga magapabilin nga alerto ang mga kapulisan sa probinsya sang Iloilo. /// via SONNY PUNAY
Photo from web
