Naengkwentro sang tropa sang gobyerno ang ginabulubanta 20 ka mga terorista nga New People’s Army ( NPA) sa Barangay Cabatangan, Lambunao las 5:30 kaina sang kaagahon, Enero 14, 2019.
Suno kay Lt. Col. Sisenando *Magbalot*, *Commanding* Officer sang 61st IB, nagdugay sang 30 minutos ang pagbinayluhanay sang lupok .
Ginpahayag ni Magbalot nga isa ka suldado ang napilasan kag ini ang ginkilala kay Corporal Aldrin Cablas.
Nakaagum sang pilas sa tiil Cablas kag yara na sa maayo nga kahimtangan matapos gindapatan sang nagakaigo nga pagbulong.
Indi naman madeterminar sang militar kon may napilasan sa bahin sang NPA.
Nahibaluan nga ini na ang ikatlo nga tion nga na-engkwentro sang tropa sang gobyerno ang terorista nga NPA subong nga tuig.
Madumduman nga may nagluntad nga engkwentro sa Barangay Alimodias sa Miag-ao sang nagligad nga Biyernes, Enero 11 ; ginsundan sang engkwentro sa Brgy. Dalije, Miag-ao kahapon, Enero 13 kag ang pinakaulihi amo ang engkwentro nga nagluntad sa Brgy. Cabatangan, Lambunao subong nga adlaw.
(photo from the web/ not the actual photo)
