Probinsya sang Iloilo – Isa ang pilason sa bahin sang militar matapos ang natabu nga engkwentro sa tunga sang 61st IB Philippine Army kag ginapatihan miembro sang CPP-NPA Terrorist (CNT) sa Sitio Igburay, Barangay Indaluyon, Igbaras las 5:45 sang kaagahon, Marso 20.
Ini ang insyal nga impormasyon gikan sa Philippine Army.
Ang pilason nga katapo sang Philippine Army ginkilala kay PFC Bryan Cillo.
Suno kay Ltc Sisenando A Magbalot Jr, Commanding Officer of the Army’s 61st Infantry (HUNTER) Battalion, wala naman sang dapat kabalak-an bangod ara na ini sa luwas nga kahimtangan.
Narecover naman sang Philippine Army ang mga masunod:
One (1) claymore mine, Seven (7) bag packs, Two (2) detonator for IED, Two (2) Baofeng Radios, Two (2) Cell phones, Two (2) Handcuffs, Two (2) Magazines for M16 (plastic), kag Fourteen (14) 7.62mm live ammunitions.
Ini na ang ikatatlo nga engkwentro sa tunga sang militar kag CPP-NPA Terrorist (CNT) subong nga semana matapos ang engkwentro sa Barangay Mulangan, Igbaras sang Marso 17 kag Barangay Osorio 1, San Remigio, Antique sang Marso 19.
