General Santos City— Nagka-engkwentro ang tropa sa 27th IB ug rebeldeng New People’s Army kon NPA sa Brgy. Kematu, T’boli, South Cotabato kung asa kini ang resulta sa ilahang padayong operasyon batok npa.
Sumala kang Lt. Col. Jones Otida, labaw sa 27th IB nga natigayon ang engkwentro human nga makadawat sila ug impormasyon nga adunay presensya sa armadong grupo sa lugar.
Milungtad usab ang maong engkwentro ug 40 minutos tali sa dili muubos 50 ka mga armadong kalalakin-an. Pagkumpirma ni Lt. Col. Otida nga adunay mga pamilyang nanghikling atol sa maong engkwentro gikan sa tulo ka mga sitio sa barangay Kematu.
Kung asa dili muubos sa kapin 300 ka mga indibidwal ang nagpabilin sa Brgy. Poblacion sa Tboli gumikan sa kahadlok nga maangin sa nasangpit nga engkwentro. Pagpaklaro niya nga anaa man MDRRC ug PDRRMC sa South Cotabato ug ang militar aron mahatag ang mga kininahanglan sa mga bakwit.
Dugang pamahayag ni Lt. Col. Otidad nga ilaha ng gi-awhag ang ubang bakwit nga mamalik na sa ilahang mga panimalay hilabina kadtong gikan sa mga sitio nga layo sa nahitabuan sa engkwentro.
Samtang padayon ang ilahang ginahimo nga pursuit operation batok sa grupo sa mga npa nga miatras atol sa engkwentro.
Sumala niya nga walay ni usa nga samdan sa han-ay sa militar sa 40 minutos nga engkwentro, apan sa han-ay sa armadong grupo, basi matud pa sa pamahayag sa mga residente, adunay mga naitalang samdan.
