Sa interview sa RMN Malaybalay ngadto kang Brigadier General Mitchelle Anayron, Commander sa 403rd Infantry Brigade sa Philippine Army, gibutyag niya nga Biyernes sa hapon, nakaengkwentro sa sundalo ang usa ka hugpo sa NPA, hinungdan nga gilakag kini sa tropa ug laing engkwentro ang natigayon adtong Sabado sa buntag.
Miresulta ang maong panagsangka sa usa ka patayng NPA ug pagkarekober sa duha ka mga high-powered firearms nga AK-47 ug M14 Rifle.
Padayon pa karon nga ginasuta sa kasundaluan ang identity sa namatay nga babaeng miyembro sa NPA.
Sumala ni Gen. Anayron nga na-identify ang maong patayng lawas sa kanhi rebelde nga usa ka estudyante tuig 2017 kauban sa mga pipila ka mga estudyante nga nag-immersion sa usa ka area sa Bukidnon.
Usa matud pa sa tulo ka mga estudyante ang maong namatay nga dili na mubalik sa pag-eskwela ug magpabilin sa area.
Panawagan karon sa kasundaluan nga ilabi na sa mga estudyante nga dili magpadani sa mga saad sa rebeldeng grupo sa NPA aron nga malikayan ang susamang insidente sa pagkamatay.
