General Santos City–Posible nga magdugay pa ang ginapatuman nga enhance community quarantine (ECQ) sa syudad sa Gensan, kini ang nahimong pagbutyag ni Gensan City Mayor Ronnel Rivera.
Sumala pa ni Mayor Rivera nga sa karon dili sila basta basta makatangal sa ECQ sa syudad tungod kay daghan pang mga positibo nga kaso sa kauluhan ingon man sa kasigbit nga mga dapit sa Gensan.
Sa karon padayon ang ilang ginahimong pagtuon kung unsa pay ilang himuon sa syudad pinaagi usab sa tabang sa mga eksperto diin ilang gina-pattern ang ilahang himuong aksyon depende sa trending sa kaso sa mga nagpositibo sa covid 19.
Tungod niini, ipadayon nila ang ilang ginapatuman nga clustering, ingon man odd-even scheme ug pag pahugot sa mga border sa syudad aron nga malimitahan gayud ang pag gawas sa mga tawo sa ilang panimalay ug malikayan ang posibleng pag katag sa virus.
Dugang pa niini nga sa china kung asa ang epicenter sa maong virus ang hangtud sa karon padayon pang ginatambalan ang mga nataptan sa ilahang lugar.
Aduna usab posibilidad nga sa bulan pa sa hunyo medyo maka relax ang syudad sa ginapatuman nga ECQ, apan gipaniguro ni Mayor Rivera nga ang mga boarder sa syudad padayon ang hugot nga pagbantay tungod kay taas pa ang kaso sa ubang mga lugar sama nalang sa syudad sa Davao.(Dave Silagan)
