iFM Laoag – Nagpanawagan ti Environment and Natural Resources Office kadagiti mannalon iti Ilocos Norte nga isardengda ti panangpuor kadagiti garami iti kataltalonan iti probinsia.
Segun ken ni Forester Estrella Sacro, adu dagiti insidente ti panaguram ti garami manipud iti maudi a kwarter ti tawen 2018 aginggana ita a tawen, karaman ditan ti saan nga agsardeng a panagkaingin a mangdadael met iti kabanbantayan ti Ilocos Norte.
Gapu kadaytoy, nangisayangkat ti ahensyada ti imbestigasyun kadua ti provincial government tapnu maamoan dagiti aglablabsing ti linteg ti probinsia a mangipawil iti nadakamat nga aktibidad.
Gutgutigoten met ni Mrs. Sacro dagiti barangay ranger officers (BROs) nga iggetanda ti panangsaluad kadagiti kakayoan iti kabanbantayan ti Ilocos Norte ngamin ta daytoy ket karaman ti National Greening Project.
Iti agdama, agtultuloy paylaeng a maisaysayangkat nga environmental checkpoint kadagiti entrance and exit ti probinsia tapnu matiliw dagiti agkakaingin kasta pay dagiti illegal loggers a passet paylaeng ti programa ti nasao nga ahensia ti gobierno.
Bernard Ver, RMN News
