Extended hnagtod Hulyo 15 ang enrollment alang sa school year 2020-2021.
Sa interview sa RMN Malaybalay ngadto kang Sunny Ray Amit, ang assistant schools division superintendent sa Malaybalay City Division, gibutyag niini nga gilugwayan pa sa Department of Education (DepEd) hangtod Hulyo 15 ang enrollment period sa mga pampublikong tulunghaan sa tibook nasud.
Kagahapon, mao unta ang katapusang adlaw sa enrollment period alang sa School Year 2020-2021.
Ang mao nga lakang aron mahatagan pa ug higayon nga makagukod sa pagpatala ang mga estudyanteng wala pa pa makapag-enroll.
Sigun ni Amit nga wala niabot sa 85% ang turn-out sa mga nag-enroll nga mga estudyante sa nasud.
Sa Malaybalay, anaa na sa 86% na ang nagpa-enroll nga nagpasabot nga adunay pay 14% ang wala pa nagpatala.
Kinahanglan matud pa kini nga magpatala aron ma-apil sa mga learning modules nga andamon.
Mukabat na sa 32,000 ang nagpa-enroll sa Malaybalay gikan sa 46,000 ka mga estudyante nga ilang gilauman nga magpatala.
Ang mao nga ihap gilangkuban na sa elementarya ug junior ug senior high school.
Tungod niini, nanawagan ang ASDS sa mga ginikanan nga ipa-enroll na ang ilang mga kabataan.
