Sa interbyu sa DXDC RMN Davao kang Jenielito Atillo, tigpamaba sa DepEd-XI, gibutyag niini nga subay sa August 17, 2022, anaa na 79% o 1,099,841 ang total enrollees sa rehiyon sa tanang publiko ug pribadong eskwelahan diin wala pay labot niini ang enrollees sa Alternative Learning System (ALS).
Sa maong ihap, 7% (75,233) ang enrollees sa Kinder; 46% o 504,403 sa Elementary School (ES); 32% o 352,300 sa Junior High School (JHS) ug 15% o 167,905 sa Senior High School (SHS).
“We would like to confirm that we have very good results of the enrollment ug dako ang among paglaum nga before matapus ang Agosto 22, malampasan pa nato ang nialabay’ng data sa tuig tingtungha sa 2021-2022,” sulti ni Atillo.
Panawagan sa DepEd-XI official sa mga ginikanan nga ipa-enroll na ang ilang mga anak ug dili na hulaton ang deadline aron nga hapsay ug wala nay mahimong kakulian sa pagsugod face-to-face classes sa Lunes, Agosto 22, 2022.
RadoMaN Kirby Manzon
