TACLOBAN CITY – Ginpa-ilarom ha heightened alert an bug-os nga pwersa han kapulisan han Region 8 matapos man-ambush an mga rebelde nga grupo ha Motiong, Samar kasangkulop.
Matapos an ambush incident nga iginkamatay han usa nga pulis, aminado an New People’s Army (NPA) nga hira an nagpapaluyo han insidente.
Sumala kan PNP Region 8 Chief Supt. Dionardo Carlos, mahugot nga ginkokondena han bug-os nga kapulisan an ginhimo han mga rebelde.
“We condemn such act of violence,” Carlos said, as he asked the public to be on the lookout for any ‘unusual movements’ on their areas that could be involving members of the rebel group.”
Nahinabo an ambush incident ha maharlika highway barangay 1A ha Motiong nga nagresulta ha pagkamatay ni PO3 Glenn Meniano ngan samaran naman hi PO1 Jane Abejar ngan usa nga sibilyan nga hi Silvestre Igdalino.
Sakay han police patrol car an duha nga pulis han mahinabo an ambush alas 7:15 han aga.
Mabalik na unta an mga biktima ha police station matapos kumuha hin tubig ha kaharani nga police station ha Paranas.
An bungto han Motiong in kilala nga may mga aktibo nga rebelde ha lugar.
Pumakadto ha motiong hi CSupt. Carlos para personal nga mag imbisigar han insidente. Nagpatapod gihapon hi Carlos hin assistance ngadto ha pamilya han mga nabiktima han ambush.
