Environmental Martial Law gustong ideklara sa isla it Boracay

138

 

Gustong magpatigayon it Environmental Marshall Law it Department of Tourism (DOT) Region 6 sa isla it Boracay.

  Raya ro ging pahayag ni Atty. Helen Catalbas Regional Director it DOT Region 6 sa pakikipag-angot it RMN-DYKR Kalibo kung sa siin ging hambae nana raya mismo kay Roy


Agullana Cimatu ro Secretary it Environment and Natural Resources sa anda nga pagkita.
Daya hay tungod sa gusto ni Catalbas nga maayos ro problema it Boracay pag-abot sa Environment it isla.
Suno kay Catalbas nga problema gid sa makaron do trapik sa Boracay, polluted nga tubi, gutok nga palibot o kon overcrowded.

Tuyo ko raya nga Marshall Law nga ma-sustain ro environment it sikat nga isla agod maabo pa nga mga turista ro maga bisita kara.

Dugang it Director nga do anang trabaho hay e-promote do turismo sa Western Visayas eabi eon gid do Boracay kaya kinahangean gid suno kana nga tutukan nana ro mga concerns it isla.

Samtang gina hueat pa sa makaron kung ano ro magiging desisyon ni Cimatu kaangot sa hinyo ni Catalbas para sa Environmental Marshall Law sa Boracay.

Jay-ar M. Arante, RMN-DYKR Kalibo

Facebook Comments
From Advertisers