Davao City – Aduna sumala pay maayo ug dili maayong epekto kung hingpit mang mapatuman ang gisugyot sa National Youth Commission (NYC) nga aron malikayan ang teen pregnancy, ibulag ang mga lalaki ug babaeng estudyante gikan sa grades 7 to 12.
Sa interbyu sa DXDC RMN Davao kang Amelia Napitan, magtutudlo sa San Miguel National High School sa Compostela, ComVal, gisaysay niini nga alang kanila nga mga magtutudlo, posible nga mawala ang pakig-relasyon sa mga bata kun pagbaton og boyfriend/girlfriend apan mugara na sab ang mga estudyanteng miyembro sa lesbian, gay, bisexual, and transgender (LGBT).
“Para sa amo depende man gyud, naay disadvantages naa poy advantages if ma-separate ang male and female. Mawala na ang boyfriend/girlfriend relationship matter sa classroom pero mo-shine na pud ang LGBTQ,” saysay ni Napitan.
Dugang niini nga nahilakip usab sa curriculum ang gender and development (GAD) nga ilang ginatudlo sa mga estudyante ug gina-integrate sa tanang mga subjects.
“Sa tanang subject man naka integrate among gender and development (GAD). Kung i-separate man, mawad-an og bili ang GAD,” dugang niini.
Nasayran nga nakita ni NYC chairperson, Ryan Enriquez nga sagad usab mabiktima sa sayong pagmabdos ang mga babaeng estudyante labi kung mag-uban kini sa mga lalaki diha sa mga aktibidad o proyektong himuon gawas sa eskwelahan.
RadyoMaN Kirby Manzon
