Indi pa tanto ang epekto sang dry spell sa mga kasapatan dire sa probinsya sang South Cotabato base sa ila nga monitoring kumparar sa natuga nga epekto sa palay kag mais, suno kay Provincial Veterinarian Dra. Flora Bigot.
Samtang sa subong suno sa iya may report sang kaso sang ephemeral fever sa mga baka, apang indi naman suno pa madamo.
May-angot sini, ginaadvice niya sa mga nagapanag-iya nga indi pagbay-an sa initan ang mga kasapatan halin alas 10 sang aga tubtob alas kwatro sang hapon, patugbon kag paimnon gid sang tubig ang mga sapat.
Ginkumpirmar man ni Dra. Bigot nga nagapadayon ang ila nga pagpatigayon sang deworming, paghatag sang bitamina kag iban pa agud nga pabakod ang resistensya sang mga kasapatan subong nga mainit ang panahon.
