Wala pa nalab-ot ang criteria agud nga madeklarar ang state of calamity sa probinsya sang South Cotabato tungod sa epekto sang dry spell base sa datos nga ginpresentar sang Provincial Agriculture Office kag Provincial Health Office sa ginpatigayon nga Provincial Disaster Risk Reduction and Management Council meeting.
Base sa datos nagalab-ot sa masobra P200.2 million ang danyos sa mais kag yara sa 4, 260 ka mga mangunguma ang apektado , samtang sa palay yara sa masobra P22.8 million ang danyos kag 893 ka mga mangunguma ang apektado.
Samtang may-yara naman suno pa sang rekomendasyon ang MDRRMC sang Surallah kag T`boli nga pagpaidalom sa banwa sa state of calamity nga subject pa sa validation ang isubmitir nila nga report, suno kay PDRRM Action Officer Mila Rivera.
Sa health naman nga aspeto wala pa man sang outbreak sang balatian dire sa probinsya partikular na tipdas kag dengue nga amo ang ginabantayan sa subong.
Ginkumpirmar man ni Maam Rivera nga may-yara naman sang inisyal nga intervention ang Provincial Health Office kag Provincial Agriculture Office sa mga apektado.
