Davao City – Tungod sa langgam nga niigo sa engine sa eroplano nakansela ang byahe pa-Manila ala-1:00 sa hapon kagahapong adlawa sa may Francisco Bangoy International Airport dinhi sa Davao City.
Gikumpirma kini ni Civil Aviation Authority of the Philippines (CAAP) Davao manager Agnes Udang nga alang sa safety sa mga pasahero sa PAL Flight 2814 gipabalik ang maog eroplano.
“Pag-take off na nabanggaan na niya ang langgam, pag-declare nga nakabangga siya giadtuan dayon sa fire truck ug pag-check sa runway nakita ang balahibo sa langgam,” sumala ni Udang.
Sumala ni Udang nga luwas ang kapin usa ka gatos ka mga pasahero.
“Gi-attend sa airline ang uban gibutang nila sa Cebu Pacific, ang uban gibalhin sa next nga available flight sa PAL ug uban gi-hotel nila,” matud niini.
Kasamtangang gi-check pa sa mga mekaniko ang maong eroplano aron masuta kung aduna pa bay laing damage human sa insidente.
RadyoMaN Aimee Guinita
