Davao City – Nitahan sa mga awtoridad ang usa sa tulo ka mga suspetsado sa nahitabong mga tulis sa mga establisemento sa Tagum City, Davao del Norte.
Segun ni Tagum PNP spokesperson PSI Anjanette Tirador nga ang suspek mao si Peter Carlo C. Riña, 32 anyos ug taga-Mankilam, Tagum City.
Nakuha sa suspek ang usa ka shotgun nga adunay unod nga 3 ka bala, black cash box ug gigamit nga getaway vehicle sa mga suspek nga Suzuki Raider nga motor
“Mura’g dili na pod ni siya makagawas kay as per info gathered naa pod ni siyay pending case didto sa Leyte robbery gihapon nakapyansa ni siya unya nisibat kung ma-present na siya sa korte dinhi sa Tagum basi’g madukdukan siya o maderetso na ni siya sa DAPECOL,” matud ni Tirador.
Patong-patong nga kaso ang atubangan karon ni Riña og dugang niini ang kasong may kalapasan sa anti-fencing law ug illegal possession of firearms.
Una ng giduso ngadto sa mga robbery suspects ang mga kasong Robbery with Intimidation, Robbery with force upon things ug carnapping.
At large pa ang laing mga suspek nga sila Ronron Mahumot Posadas ug Joshua Gambong matud sa tigpamaba.
“Naay gipang-reveal ang ni-surrender nga suspek nga vital informations nga naka-lead sa atong operatives sa ilahang intensified pa nga follow-up operation,” sumala ni Tirador.
Samtang seryoso usab si PRO XI Regional Director PCSupt. Marcelo Morales sa paggukod ngadto sa mga criminal ug gimanduan na niini ang iyang mga personahe nga dili muundang hangtod nga dili mabutang sa selda ang mga nakalapas sa balaod.
RadyoMaN Aimee Guinita
