Temporaryamente ya tene que cancela el bulada del maga eroplano enantes aga despues el un eroplano del Cebu Pacific el Flight 5J849 ya experiencia problema amediante ta man buelo ya ya runway na eropuerto y ta entra ya na lugar del landing.
El mencionao eroplano estaba na Manila pasada alas 5 del aga cuando ya nota el piloto tiene differiencia el deste landing gear.
Ya tene que para el eroplano na runway serca na EAAB mientras na que se llama este “taxi mode”.
Con el maga pasajero ya tene que manda abaja y ya lleva canila na arrival area muntao na vejiculo y lo mismo el maga cargamento ya descarga tambien.
Pero despues solamente de dos hora ya puede dayun gala con el eroplano y ya lleva na propio lugar para puede ya continua el bulada del otro maga eroplano.
Mientrastanto el companiya del Cebu Pacific ya pidi despensacion con el publico especialmente con el maga pasajero por el cosa ya sosede.
