Davao City – Dili alarming sumala pa sa hepe sa Philippine National Police-Regional Internal Affairs Service (PNP-RIAS XI) ang kaso batok sa mga opisyales sa PNP nga nakahimo sa dili maayong binuhatan kun misconduct.
Sumala ni RIAS XI chief PSSUPT Jose Carumba atol sa PNP-AFP presscon karong adlawa diin gibutyag niini nga nahimong modelo ang pagdumala sa kapulisan sa syudad sa Davao.
Sa ilang gipagulang datos, sa first quarter sa 2016 adunay 86 ka mga kaso ang natala, 85 sa 2017 ug miubos sa 35 ka mga kaso sa first quarter ning tuig 2018 diin sagad rason mao ang violation sa Revised Penal Code (RPC) & Special Laws, R. A. 9262 kun Violence Against Women and Children (VAWC) ug neglect of duty.
Subay niini, unom ka mga pulis ang nawagtang sa pagpanerbisyo sa tuig 2016, 10 sa tuig 2017 ug walay natala alang sa first quarter karong tuiga.
Segun ni Carumba, gihatagan sila og tsansa nga muapila alang sa ilang reinstatement apan wala pa kini nasayod kung aduna na bay nakabalik sa mga malapasong pulis sa ilang pagpanerbisyo.
Nagpahinumdom usab ang hepe sa RIAS XI nga mosunod sa order ilabina sa PNP chief ug nagpahimangno nga magpabiling matinud-anon sa ilang pagpanerbisyo ngadto sa ilang trabaho.
RadyoMaN Jason Amisola
