Davao City – Kung itugot man ni Presidente Rodrigo Duterte ang International Criminal Court (ICC) nga mulusad og imbestigasyon may kalabutan sa alegasyong summary killings sa syudad sa Davao kini maoy tumanon sa Police Regional Office XI.
Kini sumala kang Police Brigadier General Filmore Escobal, PRO XI Regional Director sa interbyu sa RMN Davao.
Segun kang Escobal, wala sila ma-intimidate sa ICC tungod nasayod sila sa PNP organization nga ga-function gayod ang justice system sa nasud ug gani ilahang organisasyon wala nila gipang-tolerate ang mga pulis nga nalambigit sa krimen.
“We are not even intimidated sa move ng ICC because we know for a fact that our own system, our own internal mechanisms to deliver justice are functioning well,” sumala niini.
Matud ni Escobal, daghan na nga mga pulis ang gipahamtangan na og silot, na-dismiss ug natanggal na sa serbisyo.
Sa lantaw ni Escobal posibleng politically motivated kini sa mga grupong buot dauton ang mga programa sa administrasyon.
RadyoMaN Aimee Guinita
