DavOcc transport suspension: Essential travels, cargos tugotan

80

Davao City – Padayon gihapon nga gitugotan nga makabiyahe gikan ug padulong sa probinsya sa Davao Occidental ang mga cargo ug mga pribadong sakyanan nga adunay essential travel luyo sa ipatumang public transport suspension sugod karong adlawa, September 20 hangtud 26, 2021.

Sa interbyu sa DXDC RMN Davao kang Oscar Casaysay, Davao Occidental Provincial Information Officer, giluwatan niini nga nasayud na usab ang mga negosyante ug pribadong indibidwal kung unsa ang mga angay i-comply nga dokumento pasulod sa Local Government Unit (LGU) diin kini usab gianunsyo sa ilang official social media accounts.


“They have to present all the necessary papers to be approved sa ilahang pag-allow, pagsulod sa area po. Then, kadtong mga deliveries (cargos) allowed pa man gihapon siya, basta kinahanglan magpakita lang gihapon og mga papeles,” sulti ni Casaysay.

Gipasabot ni Casaysay nga tumong sa usa ka semana nga pagsuspende sa public transport sama sa bus ug van mao ang pagkontrola sa padayong pagtaas sa kaso Coronavirus Disease 2019 (COVID-19) sa probinsya ug paghatag og gamay’ng pahuway sa mga medical frontliners.

Nangayo og pagsabot ang opisyal sa publiko sa mga lakang nga ginapatuman ug nanghangyo nga sundon ang maong mga guidelines ug palisiya nga alang lang usab sa kaayohan sa kadaghanan labi na ning panahon sa pandemya.

RadyoMaN Kirby Manzon



Facebook Comments