Porcausa con el gruesor del maga sacate atras del Mercedes Central School, ta puede ya columbra el maga mayores, estudyante y maestra con el presencia del maga venenoso culebra egual como el inbingan fuego y ibingan tinta iguana o el ta llama quita el Philippine Cobra, na alreredor del escuela.
Este asunto ya lleva otravez na attencion del RMN-Zamboanga donde asegun con el reclamo del maga meastro-maestra y maga mayores que asegun gende ta pone attencion el principal para hace el limpiesa especialmente el cortada del maga sacate o manda man tabas para queda limpio el atras parte del maga calssroom.
Durante el visitada del RMN-Zamboanga na escuela, tiene verdad el reclamo del maga maestro-maestra y maga mayores donde ya puede pa columbra con cuantos maga bata ta anda na casilyas donde alto-alto pa el maga sacate que canila.
Asegun con cuantos mastro y maestra, gende solamente unavez sila ya puede mira maga culebra adentro del escuela y el miedo diila novaya puede este clase de culebra pincha o morde masquin conquien y ay causa pa na peligro el diil;a vida.
Asegun largo tiempo ya nohay limpya con mencionao lugar si porque ya queda ya el atras del escuela como buuc si porque tiene ya maga culebra el ta existi.
Ta estrania el maga maestro y maestra si porque el diila principal gende coneste ta pone attencion ciendo tiene man escuela el que se llama “MOOE.”
Mientrastanto, na entrevista con el principal, ya habla le ya manda ya le limpya con el mencionao lugar donde tiene ya daw le conquiuen ya conversa para man grass cutter conel lugar.
