Davao City- Nagtoo si Davao City 1st District Councilor Nilo Abellera Jr. nga igo lang gituman ni Police Chief Inspector Jovie Espenido ang iyang trabaho isip tigpatuman sa balaod batok sa drug syndicate ug sa mga kriminal.
Ug kung napatay man sila Leyte Albuera Mayor Espinosa ug Ozamis City Mayor Reynaldo Parojinog kana tungod kay natunong lang nga ang naglingkod isip hepe sa ilang mga lugar usa ka opisyal nga walay ka-lisang sa pagbangga sa mga natawo nga nalambigit sa droga.
Usa lang si Espenido sa daghang mga pulis nga nahimong epektibo ug daghang kalamposan sa kampanya kontra droga ni Pangulong Rodrigo Duterte ug sa oplan tokhang ni Pnp Director General Ronald Bato Dela Rosa.
Ang pagbaniog sa pangalan ni Police Chief Inspector Espenido resulta lamang kuno kini sa duha ka mayor nga napatay sa operasyon ug dili kini tungod nga berdugo og pangisip ang opisyal batok sa mga tawo nga involved sa droga.
Aghat lang sa konsehal sa publiko nga dili lang isalig ang tanan kang Espenido sa katarungan nga dili man lang ang opisyal ang gisangonan sa pagpukan sa sindikato sa droga sa nasud apan tanang pulis.
Ug kung madestino man sa New Bilibid Prison si Espenido angay ikunsidara sab ang tanang otoridad nga ma-assign sa Muntilupa kay sigurado ang kadaugan sa opisyal sa giyera kontra droga kalamposan usab sa ubang mga otoridad nga makaabonan sa Police Chief Inspector.
Kasamang Joel Viray
