Kalibo, Aklan — Arestado rong sangka tour guide matapos nga madakpan sa ginpatigayon nga buy-bust operation kahapon sa isla it Boracay.
Nakilaea rong suspek kay Darwin Lambirque y Catabangan, 43-anyos residente it Pimbo, Makati City ag temporaryo nga nagadayon sa Brgy. Balabag, Boracay, Aklan.
Gin aresto si Lambirque ko mga katapo PDEU, BTAC, Malay MPS, PDEA 6 ag APSC matapos nga mabakean it ginapatihan nga shabu ko sangka pulis nga nagpakuno-kuno nga poseur buyer kung sa siin 6 ka mga sachet rong nabuoe ag 1,000 nga buy-bust money.
Samtang sa ginpatigayon nga body search hay nabuoe sa suspek rong kwarta nga naga balor it P 51,755.00 pesos.
Si Lambirque hay temporary nga naka kulong sa lock up cell it Kalibo PNP ag magapangatubang it kasong pagbayolar sa RA 9165 ukon Comprehensive Dangerous Drug Act of 2002.
