Espinosa ginpartial veto ang pila ka probisyon sang city council angot sa budget ordinance 2019

24

Gin-partial veto ni Iloilo city mayor Jose Espinosa III ang pila ka mga probisyon sang budget ordinance para sa 2019 annual executive budget.

Paathag ni Espinosa, ini bangud nasobrahan ang mga probisyon nga gintalana sa pagpasar sang pondo kag ginmanduan ang opisina sang alklade nga ang budget lamang sa una nga anom ka bulan ang dapat nga gastuhon sang executive.

Ginpasiguro naman sang alkalde nga wala man sang may ma-apektuhan nga social services bangud indi man maglayo ang budget sang syudad sang nagligad nga tuig.

Matandaan nga kalakip sa gin veto ni mayor Espinosa amo ang pondo sang maintenance and other operating expenses (MOOE), peace and order kag various festivities.

Una na ginpahayag ni committee on appropriations chairman councilor Plaridel Nava nga ginhimo niya ang pagtunga sang budget agud may mabilin nga pondo ang sin-o man nga magdaog sa 2019 elections.

Photo from web

Facebook Comments