Gin-inagurahan nanday sen. Franklin Hrilon kag Public Works Sec. Mark Villar ang Iloilo river esplanade 1 extension kag Nabitasan-San-Rafael-by pass road 10:00 kaina sang aga.
Suno kay drilon ang esplanade 1 extension gindisenyon nga pwede mahiwatan sang mga entertainment shows kaangay sang performance sang banda kag iban pa.
Mangin venue ini sang paglingaw-lingaw sang mga ilonggo.
Kalakip man diri ang 200-linear meter nga promenande sa kilid sang suba, skating rink, seat wall, view decks, activity areas kag iban pa nga nagabalor sang P40,453 million..
Samtang dako man nga bulig sa pagpahalog sang trapiko sa Gen. Luna ang bay-pass road bangud may direkta na nga maagyan ang mga motorista gikan sa City Proper padulong sa Diversion Road kag vice versa.
Ang San Rafael-Nasbitasan bypass road nagalaba sang masobra sa 700 lineal meters kalakip na ang 90 lineal meters nga kongkreto nga tulay kag nagabalor sang P134.91 million..
Ang 1 extension kabahin lamang sang pagpatahum sang Iloilo river halin sa Carpernter’s Bridge sa Molo nga magaextend tubtob sa distrito sang La Paz.
