El combinao fuerza del military y policia ya aresta del otro dia con el esposa del notoryoso terorista Zulkifli Bin Hir alias Marwan na un operasyon na Purok 5, Poblacion, Tubod, Lanao del Norte.
Na report del Western Mindanao Command ta aparece cay ya aresta con Juromee Pindoy Dongon. Junto conele tambien ya aresta con losdemas cumpañero identificao como canda SPO4 Andy Atta y Lorelie Atta, Romeo Dongon alias Faizal y Nur-Ain Dongon Santos.
Ya fuede confisca na posesyon del maga suspechao el un fragmentation grenade, Caliber 9mm Glock pistol con tres magazine y 37 pedaso del bala.
Con el mga arestao persona ya detene y ta esta na custodia del military por el propio interogascion. – Bhong Simbajon/RMN News
Facebook Comments
