Un mojer ya sale victima de lanciada desde consu esposo amediante el diila peleya na barrio de Kasanyanga enantes aga.
El victima, quien noquiere mas manda pa menciona pa su nombre, ya sostene irida na isquierda carillo y ya tene este que anda na hospital despues ya reporta tambien el incidente na estacion del pulicia na Tetuan.
Na report ya llega na DXRZ-RMN Zamboanga ta aparese quire ya separta consu esposo si Salimar Buyung, 40-año de edad.
Ayer mientras pasalida ya el mojer na poder di Buyung, ya rabya este y ya saca cuchilyo y ya lancia consu esposa na carillo.
Pero asegun cuando ya conduci el embuscada el maga pulis con Buyung, ya sale ya este desaparesido desde na su residencia.
El pulis ya habla ay planta siempre sila el propio caso na corte contra con Buyung.
